【香港素食餐廳】健康飲品手搖店－圓貝 Mother Pearl

圓貝係一間純素既植物奶飲品店而且係推廣健康飲品既手搖店，前排去開個邊就順便試下。

我揀左黑芝麻抹茶，入面有黑芝麻糊、抹茶、杏仁奶、辣木珍珠。我本身對個黑芝麻糊有啲期待，但可能因為無加任何精製糖所以味道較淡，而且味道唔算好出唔太飲到黑芝麻味。整體杯飲品係偏淡，無咩甜味。個人覺得手搖黎講係普通，不過辣木珍珠真係幾有飽足感。

朋友就揀左圓貝之戀，有祁門玫瑰花茶、燕麥腰果奶、活性炭珍珠、仙草、奇亞籽、玫瑰花瓣。圓貝之戀比黑芝麻抹茶更淡味，不過有仙草令杯飲品更有咬口。玫瑰花茶香味都唔算好出，飲既時候因為好淡無甜味所以完全無飲手搖既罪惡感😹

圓貝 Mother Pearl

📍 中環擺花街23-39號中環大厦地舖