【旅遊隨筆】初訪柬埔寨回憶

tiff
2021年1月15日
讀畢需時 5 分鐘

Day 1

11：55既航班因為Delay16：00先起飛，坐係飛機入面等左4個鐘，原本應該15：00到暹粒（Siem Reap）終於最後我地19：00先到埗。

到埗後一落機就直接行去Immagration，全程都係停機坪。雖然到埗已經19：00但仲係天光！

Settle Down之後立即去左酒吧街試柬式牛肉火鍋（The Soup Dragon）

大熱天時係戶外食火鍋都真係第一次，一路食一路流汗，不過見身邊既人都一樣係咁坐係戶外食就覺得好有風味。

Delay 4個鐘既後遺症係肚餓同無精神，所以食飽後就番酒店休息因為第二日仲要早機去金邊。

Day 2

由Siem Reap飛去金邊唔洗1個鐘，仲快過平時係香港去新界，哈哈！Settle down後第一站去Royal Palace，真係一個非常大面積既皇宮，完全感受到當時既人係要用皇宮既大小黎展現自己的權力同威嚴。

Royal Palace既入場卷後面就係地圖，可以跟住地圖既指示參觀。個日參觀時都有好多當地既學生去參觀，就好似以前細個學校帶我地去參觀歷史博物館咁只不過人地既博物館係一個真實有被使用過既皇宮。

皇宮入面最注目既Temple of the Emerald Buddha

再行會有一個吳哥窟Model，而哩個係當人提起吳哥窟時第一時間會諗到既小吳哥。

His Majesty Preah Bat Samdech Preah Norodom Sihanouk "Preah Borom Ratanak Kaudh" and Her Royal Higheness Kantha Borom's Stupa

Hor Samritvimean

盡力拼凑係Royal Palace既回憶，哈哈！

Day 3

第三日去左吐斯廉屠殺博物館（Tuol Sleng Genocide Museum）（S21），一個會令人不寒而慄既博物館見證左柬埔寨最黑暗既紅色高棉歷史。雖然係咁我地係唔應該忘記哩段曾經發生過的歷史。

一個殘酷而且血腥既集中營。

吐斯廉屠殺博物館係1975年－1979年紅色高棉執政時期進行既一連串政策帶黎既集中營，當時集中營有超過15000名囚犯，殘酷同血腥既程度唔係而家既我地可以想像到。

自己行入S21之後都無乜點影相因為真係一路行一路睇會覺得心情好沉重，好難相信眼前見到既發生過係柬埔寨人身上，仲要哩個歷史係1975年－1979年發生距離而家只係大約40年。令我諗起1971年Philip Zimbardo既「史丹福監獄實驗」（The Stanford Prison Experiment），係個時已經有人討論佢哩個實驗不道德，但係地球既另一方有一個唔係實驗而係真真實實發生緊既集中營。人類既殘酷好似真係唔會有極致，當係哩個博物館既時候我只係知道我地需要好好記住哩啲歷史，唔可以輕易忘記政權既殘暴。即使唔係柬埔寨係任何地方既歷史我地都要盡最大既努力去記住同用自己既文字記錄低，因為當越多人去記錄低晚時候，政權就越難重新書寫佢地理想中既版本既歷史。

S21係一個要親身去感受同反思既地方。

另外中午去左National Museum Of Cambodia，入面有好多展品同展覽介紹柬埔寨既歷史。

由前吳哥皇朝到吳哥皇朝再到後吳哥皇朝都有好多唔同既變遷。吳哥皇朝見證左哩個國家既全盛時期，後來因為種種政治原因開始分裂而留左一個好大既歷史遺址係柬埔寨。

當睇左哩啲背景之後再見到留低既遺址會令自己對哩個地方更深刻。

夜晚再去左Phnom Penh Night Market，一個真係當地人都會去既Night Market，因為我地有朋友係當地工作所以係Night Market時都係由佢帶住我地！

Night Market中間有個大舞台，每日都會有人表演，而攤販就同一般Market一樣都係會有食物飲品、衫褲、日用品同堆紀念品。

最後我地只係買左野食然後同其他當地人一樣坐係地下享用。

食完飯之後當然係番酒店頂樓既泳池飲番支Angkor Beer啦

Day 4

去左係當地朋友既工作地方和屋企，更貼近感受當地人既生活同文化，因為都係一啲同朋友既相所以唔係到share啦～不過我地去左連鎖店The Shop in Phnom Penh，因為柬埔寨曾被法國侵佔所以飲食上都會經常見到法包既出現！

Day 5

早機由金邊番Siem Reap，先去崩密列（BENG MEALEA），當時崩密列仲要額外收費，但由 2020 年 1 月 1 號起，已納入吳哥門票中唔需要額外購買門票。

崩密列被叢林覆蓋，因為唔打算進行修復工作所以會見到原始崩毀既樣貌，好多浮雕同塑像已被掠奪留低一片破碎既石門。

學者推測崩密列大約建造於 11 世紀末至 12 世紀初。因為大量廊道和門都崩毀，一路行就好似一路係到探險咁。

行係木棧道上不時會見到一啲崩毀左既神像雕刻。

影既時候覺得好似逃出既感覺所以叫朋友咁做，哈哈。

再去左屬於外圍主要是敬拜印度教既濕婆神有「女人的城堡」既意思既女王宮 (BANTEAY SREI)。女王宮建於 967 年的羅貞陀羅跋摩二世（Rajendravarman）王朝，內外有3層紅砂石砌成的圍牆。

紅砂石砌成的圍牆令女王宮同吳哥地區的其他的寺廟有不同的面貌，比較易認出。

夜晚去左吳哥夜市（Angkor Night Market）其實就同一般若Night Market差不多，都係啲有食物飲品、衫褲、日用品同堆紀念品既攤販。

去左其中一間叫Cambodia BBQ既店一樣都係用炭火黎加熱，不過個爐中間好似比人烤肉咁，但係其實完全無哩個功能。雖然佢放左件肥膏係中間但到我地食完件肥膏都仲係到。比較特別係佢既肉除左一般豬牛羊雞仲有鱷魚肉，食既時候其實都無咩分別不過係幾特別。

Day 6

4點起身出發前往今次最期待既環節，就係係吳哥睇日出。

由天未光起身坐TUKTUK行到去吳哥㨂個好位等日出，真心覺得好值得而且的確係一個人生既Bucket List。我每次自己去旅行有可能晚話都會有一日㨂一個地方去等日出，因為我覺得日出比我感覺好有希望，即使係再難過既日子只要見到日出都會覺得可以撐得過。特別係自己一個出走時其實都係心情不太好，所以見到日出去到海邊我就會覺得世界上仲有好多野值得我期待，而好多野都有完結既一日，一定要好好堅持直到見到署光。

等完日出就直接開始行成個小吳哥，包括巴揚寺、巴芳寺、鬥象台、空中宮殿、12 生肖塔、茶膠寺、塔普倫寺。